पोखरा ।
भरतपोखरी विकास मञ्चको आयोजनामा तिहारको अवसरमा कात्तिक १५ गते खुला देउसीभैलो तथा एकल नृत्य प्रतियोगिता हुने भएको छ । परापूर्व कालदेखि मौलिक संस्कृतिमा आधारित देउसीभैलोको मौलिकतालाई जीवन्त राख्ने उद्देश्यका साथ प्रतियोगिता आयोजना गरिएको मञ्चका अध्यक्ष डिल्लीराम बरालले बताए ।

मञ्चले यस पटक सातौं संस्करणको प्रतियोगिता आयोजना गर्दै छ । प्रतियोगितामा देउसीभैलोतर्फ प्रथम, द्वितीय, तृतीय र सान्त्वना स्थान प्राप्त गर्ने समूहलाई क्रमशः २० हजार, १५ हजार, १० हजार र ५ हजार रुपैयाँ नगद सहित प्रमाणपत्रबाट पुरस्कृत गरिनेछ ।

देउसीभैलो प्रतियोगितामा सहभागिताका लागि १ हजार रुपैयाँ दर्ता शुल्क निर्धारण गरिएको छ । एकल नृत्यतर्फ प्रथम, द्वितीय, तृतीय र सान्त्वना हुनेलाई क्रमशः ७ हजार, ५ हजार, ३ हजार र २ हजार रुपैयाँ नगदसहित प्रमाणपत्रबाट पुरस्कृत गरिने अध्यक्ष बरालले जानकारी दिए ।

कार्यक्रमकै अवसरमा कला साहित्य लगायतका क्षेत्रमा संलग्न व्यक्तित्व सम्मान गर्ने तयारीसमेत छ । कार्यक्रम गर्न करिब दुई लाख रुपैयाँ लाग्ने अनुमान गरिएको छ ।