पोखरा ।
नेकपा एमालेको पाँचौं जिल्ला अधिवेशनबाट मनाङकाे अध्यक्षमा पोल्देन छोपाङ गुरुङ सर्वसम्मत निर्वाचित भएका छन् । बुधबार भएकाे अधिवेशनले ४३ सदस्यीय जिल्ला कमिटी गठन गरेकाे छ ।

कमिटीको उपाध्यक्षमा झलकबहादुर गुरुङ, सचिवमा राजनबहादुर गुरुङ, उपसचिवमा मीना गुरुङ र छिरिङ गुरुङ चयन भए ।

सदस्यहरुमा कर्म गुरुङ, कान्छा घले, लोकेन्द्रबहादुर घले, मेलिना गुरुङ, बासुदेव थापा, मैत गुरुङ, मिङमर छिरिङ विष्ट, अर्बिन गुरुङ, टिआर गुरुङ लगायत ४१ जना चयन भएका छन् ।

सञ्चार, सूचना तथा प्रविधि मन्त्रीसमेत रहेका एमाले उपमहासचिव पृथ्वीसुब्बा गुरुङले मनाङ जिल्ला कमिटी अधिवेशनको उद्घाटन गरेका थिए । उनले आउँदो निर्वाचनमा एमालेलाई विजयी गराउने गरी लाग्न कार्यकर्ताहरुसँग आग्रह गरे ।