पोखरा । कोशी प्रदेश सरकारका निवर्तमान आन्तरिक मामिला तथा कानुन मन्त्री लीलाबल्लभ अधिकारीलाई प्रहरीले आज नियन्त्रणमा लिएको छ ।

नक्कली कागजात बनाएर ३ जनालाई जापान लगेको कसुरमा अनुसन्धानका लागि उनलाई नियन्त्रणमा लिइएको प्रहरीले जनाएको छ । उनलाई जहाजमार्फत् विराटनगरबाट काठमाडौं लगिने भएको छ ।

एमाले कोशी प्रदेश कमिटीले अधिकारीलाई संगठित सदस्यबाट समेत निलम्बन गरेको थियो ।