पोखरा ।
धार्मिक अभियन्ता रवीन्द्र माकाजूलाई नयाँबजार, रामघाट धार्मिक क्षेत्र विकास समिति, पोखरा ९ ले पुरस्कृत गर्ने भएको छ । धार्मिक क्षेत्रमा गरेको कदर स्वरुप माकाजूलाई समितिले पुरस्कृत गर्न लागेको हो ।

हरिवोधनी एकादशीको अवसरमा मंगलबार माकाजूलाई नगद ११ हजार १ सय ११ रुपैयाँ नगदसहित समितिले पुरस्कृत गर्ने भएको छ । समाजसेवी भक्तराज श्रेष्ठले आफ्ना मातापिताको स्मृतिमा राखेको अक्षयकोषबाट पुरस्कार प्रदान गर्न लागिएको हो । यसअघि उक्त पुरस्कार संगीतकर्मी श्यामलाल श्रेष्ठ, गणेशलाल नापित, समाजसेवी युवराज श्रेष्ठलाई प्रदान गरिसकिएको छ ।