पोखरा ।
पोखरा महानगरपालिकामा कर्मचारी परिचालन तथा व्यवस्थापनका सम्बन्धमा देखिएको समस्या समाधानका गर्न महानगर प्रवक्ता एवम वडा नम्बर २५ का वडाध्यक्ष मोतीलाल तिम्सिनाको संयोजकत्वमा समिति गठन गरिएको छ ।

नगरप्रमुख स्तरीय निर्णय अनुसार बुधवार तिम्सिनाको अध्यक्षतामा ९ सदस्यीय सहजीकरण समिति गठन गरिएको हो ।

समितिको सदस्यमा वडा नम्बर ४ का वडाध्यक्ष देवकृष्ण पराजुली, ५ का वडाध्यक्ष विष्णुप्रसाद बराल, १३ का वडाध्यक्ष किरण बराल, १५ का वडाध्यक्ष तोरण बानिया र नगर सभा सदस्यहरू विनोद लामिछाने, रामचन्द्र आचार्य, कृष्णकुमारी पौडेल र डाल्डादेवि भुजेल छन् ।

समितिलाई कर्मचारी परिचालन तथा व्यवस्थापन समस्याका सम्बन्धमा ३ दिन भित्र समस्या समाधानको उपाय सहितको सुझाव पेस तथा सहजीकरण गर्न महानगरले कार्यादेश दिएको छ ।