पोखरा । राष्ट्रिय स्वतन्त्र पार्टीका नेताहरुविरुद्ध सर्वोच्च अदालतमा अदालतको अवहेलना सम्बन्धी मुद्दा दर्ता भएको छ । सभापति रवि लामिछानेमाथि सहकारीको रकम अपचलनमा अनुसन्धान चलिरहँदा मुद्दालाई प्रभावित पार्न गरी आन्दोलन गरेको दाबीसहित अधिवक्ता अनुपम भट्टराईले रिट दायर गरेका हुन् ।

अनुसन्धानकै चरणमै अदालतलाई दबाब दिने उद्देश्यले अभिव्यक्ति दिने, आन्दोलन गर्ने र जनमासलाई उचाल्दै न्याय प्रक्रियामा अवरोध गर्न खोजेको दाबी गर्दै उनले मुद्दा दर्ता गराएका हुन् । उक्त मुद्दामा मंसिर ३ गतेको लागि पेसी तोकिएको छ ।

रास्वपाका सांसदहरू स्वर्णिम वाग्ले, प्रवक्ता मनिष झा, सुमना श्रेष्ठ, विराजभक्त मर्हजन, तोषिमा कार्की, सोबिता गौतमलगायतलाई अवहेलना मुद्दामा विपक्षी बनाइएको छ।