पोखरा । कोअपरेटिभ म्यानेजर्स क्लब, कास्कीको आयोजनामा बिहीबार ‘सहकारी र कर कानून’ विषयक अन्तरक्रिया कार्यक्रम भएको छ । सो अवसरमा करसम्बन्धी अभिमुखीकरण समेत भएको छ ।

आन्तरिक राजस्व कार्यालय, पोखराको प्राविधिक सहयोगमा भएको उक्त कार्यक्रमको उद्घाटन राजस्व कार्यालय, पोखराका प्रमुख शिव शर्माले गरेका थिए ।

पहिलो सेसन तालिममा राजस्व कार्यालय पोखराका कर अधिकृत सनु काफ्लेले प्रशिक्षण दिएका थिए । यसैगरी, आईक्यानका अध्यक्ष सिए लक्ष्मण अधिकारी एनएफआरएस सम्बन्धी प्रशिक्षण दिए ।

कोअपरेटिभ म्यानेजर्स क्लबका संस्थापक अध्यक्ष मीलन ढकालले मन्तव्य व्यक्त गरेका थिए । कार्यक्रममा आन्तरिक राजस्व कार्यालय, पोखराका प्रमुख शिव शर्माले ‘कर प्रणालीको सार, लगानीको आधार’ राष्ट्रिय कर दिवस–२०८१ तथा कर सप्ताह अवसरमा विविध कार्यक्रम भइरहेको बताए । उनले अन्तरक्रियामा उठेका जिज्ञासाको समाधान गरेका थिए ।

कोअपरेटिभ म्यानेजर्स क्लबका अध्यक्ष मोहनप्रसाद अधिकारीको अध्यक्षतामा भएको कार्यक्रममा उपाध्यक्ष विष्णुप्रसाद अधिकारीले स्वागत मन्तव्य र संचालन सचिव शंकरप्रसाद पौडेलले गरेका थिए ।

तालिममा विभिन्न सहकारीका व्यवस्थापन प्रमुख तथा लेखा अधिकृत गरी करिब ६० जनाले भाग लिएका थिए ।