पोखरा। गणपति लघुवित्त वित्तीय संस्था लिमिटेडलेको आठौं वार्षिकोत्सव सोमबार भएको छ । नवौं वर्ष प्रवेश गरेको अवसरमा गणपतिले पोखरा ३२ लामेआहालमा अवस्थित राधाकृष्ण वृद्धाश्रममा ज्येष्ठ नागरिकलाई सहयोग गरेको छ ।

संस्थाका प्रमुख कार्यकारी अधिकृत विष्णु प्रसाद ढकालले वृद्धाश्रम सञ्चालक समिति अध्यक्ष विश्वराज लामिछानेलाई सहयोग हस्तान्तरण गरेका हुन् । वित्तीय संस्थाले विगत लामो समयदेखि यसै वृद्धाश्रममा वार्षिकोत्सव मनाउँदै आएको छ ।

२०७३ मंसिर २४ गतेबाट कारोबार प्रारम्भ गरेको यस वित्तीय संस्थाले हाल २३ जिल्लामा ४३ शाखा कार्यालयमार्फत सेवा दिइरहेको छ । ग्रामीण क्षेत्रका करिब ३४ हजार यसका सदस्य छन् ।