तनहुँ ।
बन्दिपुरमा उद्यम विकास सहजकर्ताको लागि प्राकृतिक स्रोतमा आधारित व्यवसायिक मोडेल प्रशिक्षक तालीम भएको छ ।
युएसएआइडी जल जंगल परियोजनाको आयोजनामा भएको तालिम मंसिर १९ गते देखि २१ गते सम्म सञ्चालित थियो ।

तालिममा गण्डकी, बाग्मती र मधेश प्रदेशका गरि प्रदेशका २७ जना उद्यम विकास सहजकर्ताको सहभागी थियो ।

प्राकृतिक स्रोतमा आधारित उद्यम व्यवसायको प्रर्वद्धन तथा विकास गर्नु परियोजनाको उद्देश्य रहेको आयोजकले बताएको छ ।
जसमा उद्यमीहरुको आवश्यकता पहिचान गरी उद्यमशीलता विकास तथा वित्तीय साक्षरता तालीम, बजारीकरण, उपयुक्त प्रविधिमा सहजिकरण, सीप विकास तालीम, लघुवित्तमा पहुँच जस्ता समावेश छन् ।

तालिममा उद्योग क्षेत्रमा स्थानीय तहको पहल कदमी, प्राकृतिक स्रोतमा आधारित उद्योगहरुको समस्या पत्ता लगाउने वा उद्यम विकास सहजकर्ताको क्षमता विकास गर्नु, प्राकृतिक स्रोतमा आधारित उद्यमको दिगोपनबारे जानकारी गराइएको थियो ।

कार्यक्रममा स्थानीय तहका प्राकृतिक स्रोतमा आधारित उद्यम व्यवसायको पहिचान भएको गरिएको आयोजकको भनाइ छ । युएसएआइडी जल जंगलका दिल विश्वकर्मा, निरबहादुर विक र निछा किरातले तालिम सहजीकरण गरेका थिए ।

कार्यक्रममा लैंगिक हिसां विरुद्धको १६ दिने अभियान अन्तर्गत सहभागीलाई लैंगिक समानता तथा सामाजिक समावेशीकरण र लैंगिक हिसां सम्बन्धी अभिमुखीकरण गरिएको थियो ।