पोखरा । नेसनल प्याब्सन कास्कीको आयोजना गरेको १४ औं एनप्याब्सन खेलकुद महोत्सव शुक्रबार सकिँदै छ । १०० मिटर छात्र जुनियरतर्फ कास्की मोडनाइज्ड एकेडेमीका युनिश घले प्रथम, अक्सफोर्ड स्कुलका युवराज गुरुङ द्वितीय र एलपी देवकोटा मेमोरियलका मिलन थापा तृतीय भएका छन् ।

१०० मिटर छात्रा जुनियरतर्फ चिल्ड्रेन्स एकेडेमीकी समीक्षा थापा प्रथम, हेमजा बोर्डिङ स्कुलकी पुर्निमा कुँवर द्वितीय र कास्की मोडनाइज्ड एकेडेमीकी निरुशा गुरुङ तृतीय बने ।
१०० मिटर छात्र सिनियरतर्फ कास्की मोडनाइज्डका श्रवण गुरुङ प्रथम, सिद्धिविनायक बोर्डिङ स्कुलका दिप्सन घर्ती द्वितीय र लिटिल फ्लावर एजुकेसनल एकेडेमीका विवश विक तृतीय भए ।

१०० मिटर छात्रा सिनियरतर्फ त्रिवेणी पब्लिककी एञ्जेल अधिकारी प्रथम, हेमजा बोर्डिङ स्कुलकी विपना परियार द्वितीय र कास्की मोडनाइज्डकी शिक्षा खड्का तृतीय भए । ४०० मिटर छात्र जुनियरतर्फ हेमजा बोर्डिङ स्कुलका सुमित विक प्रथम, सिद्धार्थ लवडेलका सन्तोष गुरुङ द्वितीय, फेवा बोर्डिङ स्कुलका सकरित परियार तृतीय भए ।

४०० मिटर छात्रा जुनियरतर्फ चिल्ड्रेन एकेडेमीकी आयुषा ठकुरी प्रथम, हेमजा बोर्डिङ स्कुलकी अपेक्षा केसी द्वितीय र नेसनल क्रियसन एकेडेमीकी श्रीया थापा तृतीय भइन् । ४०० मिटर छात्र सिनियरतर्फ हेमजा बोर्डिङ स्कुलका दीपेन सुनार प्रथम, अक्सफोर्ड स्कुलका मोहम्मद अराध द्वितीय र होली माउन्ट इङलिस सेकेन्डरी स्कुलका उमेश पुर्जा तृतीय भए । ४०० मिटर छात्रा सिनियरतर्फ कास्की मोडनाइज्ड एकेडेमीकी शीतल भण्डारी प्रथम, चिल्ड्रेन्स एकेडेमीकी नजमिन खातुन द्वितीय र लिटिल फ्लावर एजुकेसनल एकेडेमीकी जसमिन श्रेष्ठ तृतीय भए ।

८०० मिटर छात्र सिनियरतर्फ न्यू लेखनाथ पब्लिक एकेडेमीका सुरज विक प्रथम, होली माउन्ट इङलिस सेकेन्डरीका विन्यामिन डाँगी द्वितीय र हेमजा बोर्डिङ स्कुलका दीपेन सुनार तृतीय भए । हाइजम्प छात्र सिनियरतर्फ कास्की मोडनाइज्डका सुवास गुरुङ प्रथम तथा लिभेन लाभिन रेसिडेन्सियल स्कुलका समीपराज आचार्य र एलपी देवकोटाका विश्वास सुनार द्वितीय भए । हाइजम्प छात्रा सिनियरतर्फ हेमजा बोर्डिङकी जेनिशा भण्डारी प्रथम, लाभिन रेसिडेन्सियल स्कुलकी स्पन्दन पौडेल द्वितीय र मोर्निङ ग्लोरीकी विपशा विक तृतीय भए ।
लङजम्प छात्रा जुनियरतर्फ लिटल फ्लावर एजुकेसनल एकेडेमीकी सुप्रिया कुमाल प्रथम, डायमन्ड मोडेल स्कुलकी नम्रता तिवारी द्वितीय तथा अक्सफोर्ड स्कुलकी रिदिसा सुनार र युनिभर्स इंगलिस बोर्डिङ स्कुलकी परी केसी तृतीय भए ।

लङजम्प छात्र जुनियरतर्फ नेसनल क्रियसन एकेडेमीका मसुम अन्सारी प्रथम, ओम एकेडेमीका अरुण परियार द्वितीय र अक्सफोर्ड स्कुलका युवराज गुरुङ तृतीय भएको एथलेटिक्स संयोजक केशवशरण पौडेले बताए ।

टेबलटेनिस छात्रा जुनियरतर्फ फेवा बोर्डिङ प्रथम, नेशनल क्रियसन द्वितीय तथा अल्फा बोर्डिङ र गोर्खा बोर्डिङ स्कुल तृतीय भए । छात्र जुनियरतर्फ गण्डकी एकेडेमी प्रथम, सिद्धिविनायक बोर्डिङ दोस्रो तथा वड्स एकेडेमी र साइनिङ स्टार तृतीय भएको टेबलटेनिस संयोजक शिवराज पौडेलले बताए ।

छात्रा भलिबलतर्फ नेसनल क्रियशन प्रथम, युनिभर्स द्वितीय तथा सिद्धार्थ लवडेल र त्रिवेणी पब्लिक तृतीय भएका छन् । ह्यान्डबल छात्रातर्फ ज्ञानज्योति विद्याकुञ्ज मावि प्रथम, कान्तिपुर एकेडेमी द्वितीय तथा त्रिवेणी पब्लिक र अक्सफोर्ड स्कुल तृतीय भएका छन् भने छात्रतर्फ सिद्धार्थ लवडेल प्रथम, अञ्जुली बोर्डिङ द्वितीय तथा सिद्धिविनायक बोर्डिङ स्कुल र न्यू ग्यालेक्सी तृतीय भएको ह्यान्डबल संयोजक अर्जुनप्रसाद अधिकारीले जनाए ।

ब्याडमिन्टन सिनियर छात्र डबलतर्फ कास्की मोडनाइज्डका रोहित श्रीसमगर र ओजन भण्डारी प्रथम, सिद्धिविनायक बोर्डिङका अर्विन विश्वकर्मा र दिप्सन घर्ती क्षेत्री द्वितीय तथा न्यू ग्यालेक्सीका दिपेश भण्डारी र प्रतीक मगर, अल्फा एकेडेमीका विवान विके र रोहन घर्ती तृतीय भए ।

छात्रा सिनयर डबल्सतर्फ कास्की मोडनाइज्डकी खुसी दाहाल र एञ्जीला गुरुङ प्रथम। त्रिवेणी पब्लिककी विविशा लामिछाने र अंकिता भुर्तेल द्वितीय तथा सिद्धिविनायक बोर्डिङकी सन्ध्या शर्मा र करुणा पुर्जा, लिटिल फ्लावर एजुकेसनल एकेडेमीका सायीसा गुरुङ र मोनालिशा गुरुङ तृतीय ठहरिए ।

जुनियर छात्रतर्फ फेवा बोर्डिङका आयुष नेपाल प्रथम, पुष्प सदन एकेडेमीका रचित तामाङ द्वितीय तथा ज्ञानज्योति बोर्डिङका सफल खत्री र गोर्खा इंगलिस बोर्डिङ स्कुलका आरभ थापा तृतीय भए । जुनियर छात्रातर्फ कास्की मोडनाइज्ड एकेडेमीकी खुसी दाहाल प्रथम, श्रीरत्न ज्योति बोर्डिङ स्कुलका मनिता छन्त्याल द्वितीय तथा त्रिवेणी पब्लिकका युजिना गुरुङ र अञ्जुली बोर्डिङ स्कुलकी सायरुन आले तृतीय भएको ब्याडमिन्टन संयोजक ज्ञानेन्द्रबहादुर थापाले जानकारी दिए ।

बिहीबार नै भएको छात्र फुटबलको पहिलो सेमिफाइनलमा गण्डकी एकेडेमी फाइनलमा प्रवेश गरेको छ । एलपी देवकोटा मेमोरियल बोर्डिङलाई टाइब्रेकरमा ५–४ ले पराजित गर्दै गण्डकी फाइनलमा पुगेको हो ।

दोस्रो सेमिफाइनलमा कास्की मोडनाइज्ड एकेडेमी त्रिवेणी पब्लिकलाई ३–० ले पराजित गर्दै फाइनलमा प्रवेश गरेको छात्र फुटबल संयोजक अर्जुनप्रसाद पाण्डेले बताए । शुक्रबार कास्की मोडनाइज्ड एकेडेमी र गण्डकी एकेडेमीबीच फाइनल खेल हुनेछ । खेलकुद महोत्सवसमेत शुक्रबार नै सकिनेछ ।