पोखरा ।

कालिका बहमुखी क्याम्पस, पोखरामा स्नातक तह प्रथम वर्षमा भर्ना भएका विद्यार्थीलाई शुक्रबार स्वागत गरिएको छ । कार्यक्रममा क्याम्पस सञ्चालक समिति अध्यक्ष किरण केसीले क्याम्पसको विकास र विस्तारका लागि विद्यार्थीको भूमिका महत्वपूर्ण रहने र गुणस्तरीय शिक्षाका लागि क्याम्पस सञ्चालक समिति सधैं तत्पर रहेको बताए ।

उनले क्याम्पसबाट अध्ययन पूरा भएका विद्याथी बेरोजगार बस्न नपर्ने गरी दक्ष जनशक्ति उत्पादन गर्न क्याम्पस लागिपरेको उल्लेख गरे । क्याम्पस प्रमुख बिरन्जी गौतमले नवआगन्तुक विद्यार्थीलाई स्वागत गर्दै लक्ष्य प्राप्त गर्नका लागि अनुसासित भई घर, समाज र देशका लागि योगदान गर्ने

क्याम्पसका शिक्षक तथा पूर्व विद्यार्थी सन्तोषमणि आफू कक्षा ११ देखि स्नाकोत्तरसम्म त्यसै क्याम्पसमा अध्ययन गरेको अनुभव सुनाए । कालिका कल्याणकारी समिति अध्यक्ष सपना श्रेष्ठको अध्यक्षतामा भएको कार्यक्रममा सहायक क्याम्पस प्रमुख शालिकराम तिमिल्सिना र युवराज गुरुङ, विद्यार्थी रोशन रानाभाट, समितिका सदस्य जीवन पतनीले पनि बोलेका थिए ।