पोखरा । पोखरा सुनचाँदी व्यवसायी संघको २४ औं साधारण सभा तथा १२ औं अधिवेशन शनिबार भएको छ। पुष्पमान बुद्धाचार्यको सभापतित्वमा सम्पन्न उक्त कार्यक्रममा पोखरा उद्योग वाणिज्य संघका वरिष्ठ उपाध्यक्ष उत्तममान बुद्धाचार्य प्रमुख अतिथि थिए।

दोस्रो सत्रमा सम्पन्न निर्वाचनमा मंगलराज शाक्य सर्वसम्मत रूपमा संघको अध्यक्षमा चयन भएका छन्। यसअघि संस्थापक उपाध्यक्ष महेन्द्रमान गुभाजू निर्वाचित संयोजक रहेको चुनावी समितिले नयाँ कार्यसमितिको घोषणा गरेको हो।

नयाँ कार्यसमितिमा उपाध्यक्षमा दिनेशमान बुद्धाचार्य, सचिवमा प्रविण बुद्धाचार्य, कोषाध्यक्षमा रविन्द्रमान बज्राचार्य, सह–सचिवमा महेशरत्न शाक्य र कार्यकारी सदस्यहरूमा नितिन बज्राचार्य, राकेशमान बुद्धाचार्य, सञ्जिव गुभाजू तथा सुमन शाक्य चयन भएका छन्।

यसअघिको कार्यसमितिको कार्यकाल सम्पन्न भएपछि भएको यस निर्वाचनले संघमा नयाँ नेतृत्व चयन गरेको छ। नयाँ नेतृत्वले आगामी दिनमा संघलाई थप उचाइमा पुर्‍याउने अपेक्षा गरिएको छ।