पोखरा ।
क्रिसमस र नयाँ वर्षको अवसरमा यामाहा नेपालले आफ्ना ग्राहकहरूलाई लक्षित गर्दै विशेष वित्तीय योजना ‘ड्रिम इट, वन इट’ सार्वजनिक गरेको छ । यस योजनाअन्तर्गत ग्राहकहरूले केवल ७.९९ प्रतिशत ब्याजदर मा यामाहा मोटरसाइकल वा स्कुटर किन्न सक्नेछन् ।

यो योजना पुस १० गतेदेखि लागू भई सीमित समयका लागि मात्र उपलब्ध हुनेछ । यस योजनामा सहभागी हुने ग्राहकहरूले कम्तिमा ४० प्रतिशत डाउन पेमेन्ट गरी सजिलै किस्ताबन्दीमा सवारी साधन खरिद गर्न सक्नेछन् । लचिलो ईएमआई र सरल कागजी प्रक्रिया यस योजनाका मुख्य विशेषता हुन् ।

साथै, यामाहा नेपालले ‘टेस्ट राइड एण्ड वीन’ अभियान पनि सार्वजनिक गरेको छ । यसअन्तर्गत, ग्राहकहरूले यामाहा मोटरसाइकल वा स्कुटरको टेस्ट राइड गरेर निश्चित उपहारहरू प्राप्त गर्न सक्नेछन ्। साथै, लक्की ड्र मार्फत आकर्षक उपहार जित्ने अवसर पनि प्रदान गरिनेछ ।

यामाहा नेपालका सीईओ दीपक कुमार अग्रवालले योजनाले ग्राहकहरूका लागि यामाहा मोटरसाइकल र स्कुटर झनै पहुँचयोग्य बनाउने बताए । १० वर्षे वारेन्टीसहितको प्रतिवद्धताले यामाहाको भरपर्दो गुणस्तर र उत्कृष्ट प्रदर्शनप्रति ग्राहकहरूको विश्वास बढाएको उनको भनाइ छ ।

नेपालभर १०० भन्दा बढी आउटलेट
एमएडब्लु इन्टरप्राइजेज अन्तर्गत सञ्चालनमा रहेको यामाहा नेपालले हालसम्म देशभर १०० भन्दा बढी आधिकारिक डिलर आउटलेट स्थापना गरेको छ । ग्राहक सन्तुष्टिलाई प्राथमिकता दिँदै यामाहा नेपालले एफआई प्रविधि अपनाएर प्राविधिक उत्कृष्टताको नयाँ स्तर स्थापित गरेको छ ।

नेपालमा दोस्रो ठूलो अटोमोबाइल कम्पनीको रूपमा परिचित यामाहा नेपालले दशकौँदेखि स्टाइलिश र भरपर्दो दुई–पांग्रे सवारी साधनहरू उपलब्ध गराउँदै आएको छ ।