पोखरा ।
प्राविधिक शिक्षा तथा व्यवसायिक तालिम परिषद्को आंगिक शिक्षालय अन्नपूर्ण बहुप्राविधिक शिक्षालयको आयोजनामा मौरी पालनतालिम सुरु भएको छ ।

तालिम अन्नपूर्ण गाउँपालिका ४ सल्यानमा आइतबारबाट ६५ दिन (३९० घण्टे) तालिम सुरु भएको शिक्षालयका प्रमुख विकल अधिकारी जानकारी दिए । उनले यस्ता तालिम लिएर स्वरोजगार बन्न आग्रह गरे ।

अन्नपूर्ण गाउँपलिकाका अध्यक्ष विष्णुबहादुर केसीले गाउँपालिकाले कृषि र पशुपालन शिक्षामा जोड दिइएको उल्लेख गरे । उनले तालिममा सहभागीलाई अनुदान स्वरुप घार उपलब्ध गराउने प्रतिबद्धता गरे ।

वडा नम्बर ४ का वडा अध्क्षय आन्दल गुरुङले मौरी पालनलाई व्यावसायिक बनाउँदै आर्थिक उन्नतिमा लाग्न विद्यार्थी तथा किसानहरूलाई आग्रह गरे । तह १ अन्तर्गत दिइने मौरीपालन तालिममा २० जना सहभागी छन् । तालिमको मुख्य प्रशिक्षकमा जगन्नाथ पौडेल र सहायक प्रशिक्षकमा वर्ष विक छन् ।