पोखरा ।

सूर्यदर्शन सहकारी ठगी प्रकरणमा कास्की अदालतबाट धरौटीमा रिहा आदेश भए पनि रास्वपा सभापति रवि लामिछाने प्रहरी नियन्त्रणमै हुने भएका छन् । धरौटी नबुझाए उनी कारागार नै जानुपर्छ भने बुझाए पनि प्रहरीले उनलाई छोड्ने छैन ।

रविका विरुद्ध काठमाडौंको स्वर्णलक्ष्मी सहकारीको ठगी सम्बन्धी मुद्दा दर्ता भइसकेको हुँदा उनलाई प्रहरीले कास्कीबाट फेरि काठमाडौं लैजाने भएको हो । उनलाई पोखराको सूर्यदर्शन सहकारी ठगी मुद्दामा ६५ लाख रुपैयाँ धरौटीमा रिहा गर्न बिहीबार कास्की अदालतका न्यायाधीश नीतिज राईले आदेश गरेका छन् ।