जोमसोम ।

मुस्ताङमा माछा पोखरीमा डुबेर एक व्यक्तिको मृत्यु भएको छ । थासाङ गाउँपालिका—२ लार्जुङका ६३ वर्षीय पूर्णप्रसाद गौचनको आफ्नै घर अगाडीको माछा पोखरीमा डुबेर शनिबार मृत्यु भएको जिल्ला प्रहरी कार्यालय मुस्ताङले जनाएको छ ।

घटनाको सूचनापछि प्रहरी चौकी कोवाङबाट प्रहरी सहायक निरीक्षक डिलबहादुर भण्डारीको कमाण्डमा ४ जनाको प्रहरी टोली त्यहाँ पुगेको थियो । जिल्ला प्रहरी कार्यालयबाट प्रहरी निरीक्षक सागर पौडेलसहित ५ जनाको टोली घटनास्थलमा पुगेको थियो । प्रहरीले घटनास्थलको निरीक्षण, मुचुल्का संकलन गरेको थियो ।

माछा पोखरी पूर्णप्रसाद गौचनकै रहेको र माछालाई दाना दिन जाने क्रममा चिप्लिएर मृत्यु भएको हुनसक्ने प्रहरीको आँकलन छ ।

प्रहरी निरीक्षक पौडेलले पोखरीमा डुबेर एक व्यक्तिको मृत्यु भएको र घटनाबारे्मा थप अनुसन्धान भईरहेको जानकारी दिए ।