काठमाडौं। पदाधिकारीको टोलीसहित प्रेस चौतारी प्रवेश गरेका प्रेस संगठन नेपालका अध्यक्ष विश्वमणि सुवेदीलाई उनको संगठनले साधारण सदस्यसमेत नरहने गरी निष्कासन गरेको छ।

संगठनका उपाध्यक्ष नवराज छतकुलीले सुवेदीलाई विधानविपरीत गतिविधिमा संलग्न भएको भन्दै कारवाही गरेको जनाएका छन्।

सुवेदीले नेपाल पत्रकार महासंघको निर्वाचनमा संगठनका उम्मेदवारको विरोध गरेको, संगठनको बैठक नबसेको, आर्थिक पारदर्शिता नराखेको आरोप छ । प्रेस संगठनले यो कदमलाई अनुशासनहीन र संगठनविरोधी गतिविधिका रूपमा लिएको छ।

प्रेस संगठन नेपालले सुवेदीको प्रवेशलाई गम्भीररूपमा लिँदै विधानको दफा ७.१ को (ग) अनुसार निष्कासन गरिएको जनाएको छ।