तनहुँको म्याग्देमा बसबाट खसेर सहचालकको मृत्यु
समाधान संवाददाता
२०८१ माघ ६ गते १९:५४

पोखरा । पृथ्वीराजमार्गमा पर्ने तनहुँको म्याग्दे गाउँपालिका–६ छबिसेमा गुडिरहेको बसबाट खस्दा सहचालकको मृत्यु भएको छ ।
पोखराबाट नारायणगढ जाँदै गरेको बा४ग ५८०१ नम्बरको बसबाट खसेका सहचालकको मृत्यु भएको जिल्ला प्रहरी कार्यालय तनहुँका सूचना अधिकारी प्रहरी नायव उपरीक्षक अशोक थापाले जानकारी दिए ।
प्रनाउ थापाका अनुसार पोखरा महानगरपालिका–२८ का वर्ष २६ का सञ्जीव बोहोराको आइतबार दिउँसो मृत्यु भएको हो। बसका चालकलाई नियन्त्रणमा लिएर प्रहरीले अनुसन्धान अगाडि बढाएको छ।
सम्बन्धित
तपाईको प्रतिक्रिया