पोखरा ।
पोखरा महानगरपालिकाले कृषकहरुलाई विभिन्न जातका फलफूलका बिरुवा ५० प्रतिशत अनुदानमा वितरण गरेको छ ।

महानगरपालिकाले हिउँदे फलफूलका बिरुवा वितरण कार्यक्रम अन्तर्गत सार्वजनिक सूचना आह्वान गरी निवेदनका आधारमा बिरुवा वितरण गरेको कृषि महाशाखा प्रमुख मनोहर कडरियारले जानकारी दिए । सूचना अनुसार बिरुवाको माग अत्यधिक भए पनि उपलब्धताका आधारमा कृषकहरूलाई वितरण गरिएको हो ।

करिब ३ सय कृषकलाई फलफूलका बिरुवा वितरण गरिएको जानकारी दिँदै उनले १ हजार २ सय किबी, ६ सय लप्सी, ५ सय नासपति, ४ सय आरु, २ सय आरुबखडा, १ सय हलुवावेदका बिरुवा वितरण गरिएको हो ।