पोखरा । पोखरा ११ स्थित फूलबारी क्लबले सहिद दिवसको अवसरमा आयोजना गरेको खुला रक्तदानमा ८८ जनाले रक्तदान गरेका छन् । नेपाल रेडक्रस सोसाइटी गण्डकी प्रदेश अध्यक्ष सूर्यप्रसाद ढकालले पहिलो रक्तदाता रामचन्द्र बास्तोलालाई ब्लडब्याग हस्तान्तरण गरी रक्तदान सुरुआत गरे ।

कार्यक्रममा नेपाल रेडक्रस सोसाइटी गण्डकी प्रदेशका अध्यक्ष सूर्यप्रसाद ढकाल, पोखरा ११ का वडाध्यक्ष प्रेमप्रसाद कर्माचार्य लगायतले बोलेका थिए । फूलबारी क्लबका अध्यक्ष मनोज बास्तोलाको अध्यक्षतामा भएको कार्यक्रम सचिव युवराज बास्तोलाले सञ्चालन र उपाध्यक्ष जनार्दन बास्तोलाले स्वागत गरेका थिए । सविना बास्तोला आचार्यको संयोजकत्वमा कार्यक्रम भएको हो ।