योशदा रिमाल
प्रदेशसभा सदस्य, नेकपा (एमाले)

प्रदेश संरचना जतनाको पक्षमा छ भन्ने मलाई लागेको छ । हिजो संघीयत नहुँदा जनतालाई एउटा सानो कामका लागि पनि संघमा धाउनुपर्ने अवस्था थियो । जनताको काम गर्न पहुँच नपुग्दा दुख पाउनुपर्ने अवस्था थियो । संविधान जारी भएर संघीयता आएपछि घर घरमा सिंहदरबार भनेका छौं । स्थानीयपछिको दोस्रो नजिकको सरकार भनेकै प्रदेश सरकार हो ।

प्रदेशमा भएका विकासका कामदेखि कला, संस्कृति छुट्टै पहिचान गर्न पाउने जनताको समस्या समाधान गर्न पाउने र विकासको गति बढाउन पाउने, आफैंले नीति निर्माण गर्न पाउने खालको आफ्नै स्वयक्तता भएकाले प्रदेश संरचना वास्तवमै जनताको पक्षमा छ । हुन त पछिल्लो समय प्रदेशप्रति भ्रामक कुरा फैलाइएको छ तर पनि त्यो सत्य होइन । संघीयता देशका लागि आवश्यक छ । समाज अलि फरक तरिकाबाट गएको छ । विस्तारै जनताले बुझ्छन् । समृद्धि र विकासका लागि यो संरचना उपयुक्त छ । म आफैं प्रदेश सांसद भएर काम गरिरहँदा पर्याप्त मात्रामा प्रदेशले भनेको जति काम गर्न सकिरहेको त छैन । यसमा पुँजी आएर जोडिन्छ ।

यहाँ आएर हामीले नीति बनाउन पाएका छौं । बनेका कानुन कार्यान्वयन गर्ने कुरा भइरहेका छन् । कानुन कार्यान्वयन भयो/भएन अनि कति आवश्यक छ/छैन भनेर समीक्षा हुँदा मलाई ठीकै लागेको छ । केन्द्रबाट पनि प्रदेशलाई हस्तक्षेप वा दिनुपर्ने अधिकार पूर्ण रुपमा आएको पनि छैन यि यस्ता केही कारणले गर्दा पूर्ण सन्तुष्ट हुने अवस्था त छैन ।