पोखरा । पोखरा महानगरपालिकाले ध्वनि प्रदूषण नियन्त्रणका लागि कडाइ गर्ने चेतावनी दिएको छ। पछिल्लो समय प्रचारप्रसार तथा माइकिङ लगायतका गतिविधिहरूबाट ध्वनि प्रदूषण बढेको गुनासो आएपछि महानगरले आइतबार विज्ञप्ति जारी गर्दै नगर क्षेत्रमा अत्यावश्यक बाहेकका उच्च आवाजका गतिविधि नगर्न आग्रह गरेको हो।

महानगरले नगरवासीहरूको जनजीवनमा प्रभाव पार्ने गरी चर्को आवाजमा ध्वनि प्रदूषण हुने कार्य रोक्न सम्बन्धित सबैलाई अनुरोध गरेको छ। साथै, महानगरको अनुरोध अवज्ञा गरी अवाञ्छित क्रियाकलाप भए कानुनअनुसार कारबाही गरिने चेतावनी दिएको छ।