पोखरा ।
पोखराका पत्रकार दुर्गा रानामगरलाई दी इन्टरन्याशनल सेन्टर फर जर्नालिस्ट्स (आईसीएफजे)को पुरस्कार प्रदान गरिने भएको छ ।

आईसीएफजे ‘सडक सुरक्षा रिपोर्टिङ प्रतिस्पर्धा र अवार्ड, २०२४’ मा राना नेपालबाट उपविजेता भएकी छन् । उनले हिमालखबरमा प्रकाशित फिर्के पुल बन्यो ‘डेन्जर जोन’ शीर्षकको रिपोर्टबाट पुरस्कार प्राप्त गर्न लागेकी हुन् । राना हिमालखबरमा आवद्ध छिन् ।

प्रतिस्पर्धामा हिमालखबरकै धनु विश्वकर्मा विजेता भएकी छन् । स्वतन्त्र पत्रकार राजु झल्लु प्रसाद उपविजेता भएका छन् ।
विश्व स्वास्थ्य संगठन र बेलायती संस्था एफआईए फाउन्डेशनको सहकार्यमा आयोजीत प्रतिस्पर्धामा विजेताले एक हजार अमेरिकी डलर र उपविजेताले ५०० डलर पाउनेछन् ।