पोखरा ।
उज्वेकिस्तानको ब्ल्याक बुल्स एफसी भारत सिक्किमको थन्डर बोल्ट नर्थ युनाइटेडलाई पराजित गर्दै पोखरामा जारी २४ औं आहारारा पोखरा गोल्डकपको सेमिफाइनलमा प्रवेश गरेको छ ।
सहारा क्लब पोखराको आयोजनामा पोखरा रागंशाला भएको प्रतियोगिता अन्तर्गत मंगलवार भएको अन्तिम क्वाटरफाइनलमा थन्डरलाई ३–० ले हराउँदै ब्ल्याक बुल्सले सेमिफाइनल थ्रीस्टारसँगको भेट पक्का गरेको हो । योसँगै आहा राराको सेमिफाइनल समीकरण पूरा भएको छ । यसअघि नेपाल पुलिस क्लब, चर्च ब्वाइज युनाइटेड र थ्री स्टार क्लब सेमिफाइनल पुगिसकेका छन् ।
ब्ल्याक बुल्सको जितमा ३६ औं मिनेटमा इस्लोमजोन अब्दुकोडिरोभ, ७३ औं मिनेटमा साइडजामोल र ७५ औं मिनेटमा साभ्कातजोन सत्तोरोभले गोल गरे । खेलमा एलिजोन एलिजोनोभ म्यान अफ दी म्याच चुनिए ।
प्रतियोगिताको पहिलो सेमिफाइनल बुधवार पुलिस र चर्च ब्वाइजबिच हुनेछ । दोस्रो सेमिफाइनलमा बिहीबार ब्ल्याक बुल्स र थ्रीस्टार भिड्नेछ ।
फागुन ३ गतेसम्म सञ्चालन हुने प्रतियोगिताको विजेताले १२ लाख १ हजार र दोस्रो हुने टोलीले ६ लाख १ रुपैयाँ प्राप्त गर्नेछ ।