पोखरा ।
पोखरा चेम्बर अफ कमर्स कास्की र दि डिप्लोम्याटिक क्लब नयाँदिल्ली भारतबीच व्यापार, वाणिज्य र संस्कृतिसम्बन्धी अनुभव आदानप्रदान गर्ने सहमति भएको छ । त्यसका लागि भएको सम्झौतापत्रमा चेम्बरको तर्फबाट उमराज बास्तोला र भारतको क्लबको तर्फबाट अध्यक्ष डा मुर्तिदेवरा भोटलाले हस्तास्क्षर गरेका छन् ।

पोखरा चेम्बर अफ कमर्स कास्की अध्यक्ष बास्तोलाले दुई पक्षीय हितका अलवा उद्योग, व्यापार पर्यटन, संस्कृति कृषि क्षेत्रमा संयुक्त रुपमा काम गर्ने सहमति भएको जानकारी दिए । उनले पोखरा महानगरपालिकाले पोखरा भ्रमण वर्ष २०२५ को औपचारिक घोषणा गर्न लागेको सन्दर्भमा धेरैभन्दा धेरै भारतीय पर्यटकलाई पोखरा भित्रयाउने विषयमा समेत छलफल भएको बताए ।

अध्यक्ष बास्तोलाले दुबै व्यवसायिक संस्थाबीच लगानी सम्मेलन, ग्लोबल समिट गर्ने लगायतका विषयमा समेत छलफल भएको उल्लेख गरे ।