पोखरा ।
नारायणगढ–मुग्लिन सडकखण्डको चट्टाने भीर (दुईकिलो) बाट त्रिशुलीमा मोटरसाइकल खस्दा चालक बेपत्ता भएका छन् । मोटरसाइकल आफैं अनियन्त्रित भइ सडक छेउमा रहेको डिभाइडरमा ठोक्किन ठोक्किएर बा ०६–०२प ९२०४ नम्बरको मोटरसाइकल दुर्घटनामा परेको प्रहरीले जनाएको छ । ।

शुक्रबार बिहान ११ बजेर ५५ मिनेटको समयमा नारायणगढबाट मुग्लिनतर्फ आउँदै गरेको मोटरसाइकल दुर्घटनामा परेको प्रहरीले बताएको छ ।

घटनास्थलमा भेटिएको झोलामा लमजुङको साविक चन्दरेश्वर गाविस–३ घर भई हाल चितवनको भरतपुर महानगरपालिका–१ बस्ने २७ वर्षीय रोहित रानाको नागरिकता भेटिएको छ ।

अहिले सशस्त्र प्रहरी, नेपाल प्रहरी र स्थानीयसहितको सहयोगमा खोजी कार्य भइरहेको प्रहरीले जनाएको छ ।