पोखरा ।

पोखरा भ्रमण वर्ष २०२५ उद्घाटन् समारोहमा बेलुनको झुत्तोमा आगो लाग्दा घाइते भएका पोखराका मेयर धनराज आचार्यको फिस्टेल अस्पताल गैरापाटनमा उपचार भइरहेको छ । उनको गालामा आगोको लप्काले पोलेको छ ।

समारोह उद्घाटनका लागि बेलुनको झुत्तो उपप्रधान तथा अर्थमन्त्री विष्णु पौडेललाई हस्तान्तरण गर्ने क्रममा नजिकै दियोमा बलेको आगोले बेलुनको झुत्तो टिपेको थियो । हाइड्रोजन भरिएका बेलुनको झुत्तो आगोले पड्किएको थियो । सोही क्रममा मेयर आचार्य घाइते भएका हुन् ।

मन्त्री पौडेललाई पनि सामान्य चोट लागेको हुँदा उपचारका लागि गण्डकी शिक्षण अस्पताल लगिएको छ ।