पोखरा ।
पूर्व राजा ज्ञानेन्द्र शाहले आफ्नो परिवारसहित पोखराको भ्रमण गरेका छन् । उनले आफ्नी छोरी प्रेरणा शाहको जन्मदिन पोखराको ओपन हाउस रेस्टुरेन्ट र क्लब क्याटवाकमा मनाए ।

यो भ्रमणलाई पोखराका स्थानीय र पर्यटन व्यवसायीले महत्वपूर्ण रुपमा लिएका छन् । ओपन हाउस रेस्टुरेन्टमा आयोजित विशेष समारोहमा पूर्व राजा ज्ञानेन्द्र, उनकी पत्नी कोमल शाह, छोरा पारस शाह लगायत परिवारका सदस्यको उपस्थिति थियो ।

प्रेरणाको जन्मदिनको अवसरमा केक काट्नुका साथै विभिन्न मनोरञ्जनात्मक कार्यक्रमहरु प्रस्तुत गरिएको थियो । त्यसपछि उनीहरु क्लब क्याटवाक गएका थिए । ज्ञानेन्द्रले ओपन हाउसको सुन्दरता, व्यवस्थापन र वातावरणको प्रशंसा गरे । उनले पोखराको प्राकृतिक सौन्दर्यले आफूलाई मोहित पारेको बताए ।

ओपनहाउस र क्लब क्याटवाक दुवैको आतिथ्यले आफूलाई थप प्रभावित पारेको पनि उनले बताए । उनीहरुले स्थानीयवासँग घुलमिल भएर फोटो खिचाउनुका साथै कुराकानी पनि गरेका थिए ।