दमौली, १४ फागुन (रासस)–जिल्ला प्रशासन कार्यालय तनहुँले अपांगता भएका एक किशोरलाई घरमै पुगेर नागरिकता प्रदान गरेको छ । म्याग्दे गाउँपालिका २ का १८ वर्षीय अपांगता भएका सुजन रानाभाटलाई प्रशासन कार्यालयले मंगलबार घरमा नै पुगेर नागरिकता प्रदान गरेको हो ।
प्रमुख जिल्ला अधिकारी श्यामकृष्ण थापाले अपांगता भएका व्यक्तिलाई कार्यालयसम्म आउन समस्या हुने भएकाले घरमै पुगेर नागरिकता प्रदान गरिएको जनाए । विसं २०६३ पुस १० गते जन्मिएका सुजनमा जन्मजात अपांगता छ ।