पोखरा । मुक्तिनाथ विकास बैंक लिमिटेडको अध्यक्षमा खिमप्रकाश मल्ल नियुक्त भएका छन् । फागुन २२ बसेको बैंकको सञ्चालक समितिको बैठकले मल्ललाई नयाँ अध्यक्ष नियुक्त गर्ने निर्णय गरेको हो । मल्ललाई फागुन २१ गते बसेको बैंकको सञ्चालक समितिको बैठकले बाँकी कार्यकालका लागि सञ्चालक सदस्य नियुक्त गरेको थियो ।

यसअघिका बैंकका अध्यक्ष भरतराज ढकालले आफ्नो व्यक्तिगत कारणवश बैंकको सञ्चालक पदमा रही कार्य गर्न असमर्थ रहेको भन्दै राजीनामा दिएका थिए । उनको राजीनामा फागुन २१ गते बसेको बैंकको सञचालक समितिको बैठकले स्वीकृत गरेको थियो ।

ढकाल २०८० पुस २८ गते सम्पन्न १७ औं वार्षिक साधारणसभाबाट ४ वर्षको कार्यकाल रहने गरी संस्थापक समूहबाट सञ्चालक पदमा निर्वाचित भई सोही दिनकोे सञ्चालक समितिको ं बैठकबाट सर्वसम्मत अध्यक्ष पदमा छनौट भएका थिए ।