पोखरा । जुत्ता व्यवसायी संघ कास्कीको आठौं वार्षिक साधारण सभा कार्यक्रम भएको छ ।

कार्यक्रममा बोल्दै पोखरा महानगरपालिका ८ का वडा अध्यक्ष रूद्रनाथ बरालले एउटा व्यावसायिक संस्थाले आफ्ना सदस्यहरुको हक हितको लागि धेरै राम्रो काम गरेकोमा बधाई दिँदै आगामी दिनमा पनि संघले राम्रो कामलाई निरन्तरता दिनको लागि शुभकामना दिएका थिए ।

कार्यक्रममा जुत्ता व्यवसायी संघ कास्कीका अध्यक्ष हेमकृष्ण श्रेष्ठले संघका सम्पूर्ण सदस्यहरुको सहयोगले आफ्नो पहिलो वर्षको कार्यकाकालमा दुर्घटना बिमा,स्वाथ्य उपचरमा छुट,रक्तदान लगायत धैर राम्रा कामहरु भएको बताए । अध्यक्ष श्रेष्ठले वर्ष भरि गरेको उपलब्धिसहित संघको बारेमा प्रकाश पारेका थिए ।

कार्यक्रममा नेपाल माइक्रो इन्स्योरेन्स पोखरा सभागृहका शाखाका प्रमुख श्रीकृष्ण पौडेलले दुर्घटना बिमाको बारेमा व्यवसायीलाई जानकारी गराएका थिए । कार्यक्रममा संघका निर्वतमान अध्यक्ष सस्थापक अध्यक्ष संघका पूर्व अध्यक्ष एवम् सल्लाहकारहरु लगायतले बोलेका थिए ।

पोखरा १८ मेथलाङमा भएको उक्त साधारणसभा कार्यक्रममा संघका सदस्यबी रमाइलो वनभोज कार्यक्रम समेत गरिएको थियो । संघका अध्यक्ष हेमकृष्ण श्रेष्ठको अध्यक्षतामा भएको कार्यक्रममा र्सघका उपाध्यक्ष लिलाम्बर सुवेदीले धन्यवाद ज्ञापन गरेका थिए भने सघका महासचिव मुक्तिप्रसाद पनेरुले कार्यक्रम सन्चालन गरेका थिए ।