काठमाडौं । नेपाली बजारमा सामसङ ग्यालेक्सी ए५६ फाइभजी स्मार्टफोनको प्रि–अर्डर खुला भएको छ । आजदेखि चार दिनसम्म सीमित स्टकमा यो फोनको अग्रिम बुकिङ खुलाइएको कम्पनीले जनाएको छ ।

ए५६ मा स्मार्ट, सहज र रोचक अनुभव पाउन पहिलो पटक ‘अवेसम इन्टिलिजेन्स’ प्रविधि समावेश गरिएको कम्पनीको भनाइ छ । वनयूआई सेभेनमा आधारित फोनमा परिष्कृत क्यामेरा प्रविधि, मजबुत डिजाइन र सशक्त सुरक्षा प्रणाली रहेको कम्पनीको दाबी छ ।

सामसङ नेपालका निर्देशक प्रणयरत्न स्थापितले ग्यालेक्सी ए५६ ले उत्कृष्ट एआई अनुभव ल्याउँदै स्मार्टफोन प्रविधिको नयाँ युगको सुरुवात गर्ने दाबी गरे । उनका अनुसार यस फोनले ६ जेनेरेसनसम्मको एन्ड्रोइड ओएस र वनयूआई अपडेट प्राप्त गर्नेछ ।

ग्राहकले विशेष अफर अन्तर्गत दुई हजार रुपैयाँको अग्रिम भुक्तानीमा फोन प्रि–बुक गर्न सक्नेछन् । जसअन्तर्गत सात हजार ९९९ रुपैयाँ मूल्यको ग्यालेक्सी फिट थ्री मात्र तीन हजार ९९९ रुपैयाँमा पाइनेछ ।

यो फोन दुई ¥याम भेरियन्टमा उपलब्ध हुनेछ । जसअन्तर्गत ८ जीबी ¥याम तथा २५६ जीबी स्टोरेज भेरियन्टको मूल्य ६५ हजार ९९९ रुपैयाँ छ भने १२ जीबी ¥याम तथा २५६ जीबी स्टोरेज मोडेलको मूल्य ७० हजार ९९९ रुपैयाँ रहेको छ ।

ग्राहकले पुरानो फोन ‘सबको फोन’ र ‘अर्को स्टोर’ मा साटेर नयाँ ग्यालेक्सी ए५६ फाइभजी अपग्रेड गर्न सक्नेछन् । साथै, सामसङ इन्स्टा फाइनान्स सेवाअन्तर्गत शून्य ब्याजदरमा सहजै ईएमआई सुविधा उपलब्ध हुने कम्पनीले जनाएको छ । नेपाली बजारमा यो फोन आधिकारिक रूपमा आगामी ११ चैतदेखि बजारमा उपलब्ध हुनेछ ।