पोखरा ।
पर्यटनको राजधानी सहर पोखरामा आयोजना हुने लागेको पहिलो वाडा अटो सो (२०२५) मा सवारि किन्ने हरेक व्यक्तिले ३ महिनाको लागि निशुल्क पोखरा इन्टरनेट प्राप्त गर्ने भएका छन् ।

पश्चिमाञ्चल अटोमोबाइल्स डिलर्स एसोसिएसन (वाडा)को आयोजनामा अटो सो चैत १४ देखि १७ गते सम्म पोखराको अमरसिंह माविको खेल मैदानमा हुँदै छ । उक्त सोमा आधिकारिक इन्टरनेट पार्टनरमा पोखरा इन्टरनेट छ ।

सोमा इन्टरनेटले निशुल्क इन्टरनेटको सेवा समेत उपलब्ध गराउने इन्टरनेटकि मार्केटिङ एसिस्टेन दीपा दुलालले जानकारी दिइन् । यो मेलाको पहिलो संस्करण भइरहेको छ, जसमा अटोमोबाइल उद्योगका प्रतिष्ठित ब्रान्डहरू, नवीनतम गाडी तथा प्रविधिहरूको प्रदर्शनी हुनेछ ।

मेलालाई थप प्रविधिमैत्री बनाउनका लागि, पोखरा इन्टरनेटले टिकट खरिद एप डाउनलोड, आगन्तुक तथा प्रदर्शकहरूका लागि उच्च गतिको इन्टरनेट, वाडा अफिस र उदघाटन समारोहका लागि समर्पित इन्टरनेट निःशुल्क उपलब्ध गराउनेछ इन्टरनेटकि मार्केटिङ एसिस्टेन दुलालले भनिन् । हामीले पनि मेलामा आफ्नो स्टल राख्नेछौँ। यदि तपाईंलाई इन्टरनेट जडानको आवश्यक छ भने, हाम्रो स्टलमा आएर जानकारी लिन सक्नुहुनेछ,’ उनले थपिन् ।

इन्टरनेटले समय समयमा बिभिन्न अफरहरु ग्राहक समक्ष प्रदान गर्दै आइरहेको छ । पोखरामा स्थापना भएको पोखरा इन्टरनेटले गण्डकी प्रदशेका सबै जिल्लामा आफ्नो सेवा बिस्तार गरेर इन्टरनेट प्रदान गर्दै आइरहेको छ ।