पोखरा । राजसंस्था पुनर्स्थापनाको लागि संयुक्त जनआन्दोलन समितिको कार्यवाहक नेतृत्व संस्कृतिविद जगमान गुरुङले गर्ने भएका छन् ।

संयोजक नवराज सुवेदीले आफू नजरबन्दामा रहेको भन्दै नेपाल ऋषि जगमान गुरुङले आन्दोलनको नेतृत्व गर्ने जानकारी दिएका छन् । उनले आन्दोलन जारी राख्न आह्वान समेत गरेका छन् ।

कास्कीकै मादी घर भएका जगमान गुरुङ पूर्व राजा ज्ञानेन्द्रको पोखरा भ्रमणका संयोजक हुन् । पोखरामै रहेका बेला फागुन ७ मा ज्ञानेन्द्रले दिएको अभिव्यक्तिपछि राजावादी सलबलाएका हुन् ।