पोखरा ।
चीनको ल्हासाबाट पोखरा अन्तर्राष्ट्रिय विमानस्थलमा पहिलो पटक नियमित अन्तर्राष्ट्रिय उडान सुरु भएको छ । सोमबार ल्हासाबाट हिमालय एयरलायन्सले नियमित उडान गरेको हो । ल्हासाबाट १०७ यात्रु बोके जहाज पोखरा अन्तर्राष्ट्रिय विमानस्थलमा अवतरण गरेको हो । जहाजमा ३२ चिनियाँ र ७५ नेपाली नागरिक आएका छन् ।

उनीहरूलाई पर्यटन राज्य मन्त्री अरुण चौधरी, गण्डकीका मुख्यमन्त्री सुरेन्द्र पाण्डे, नेपालका लागि चिनियाँ राजदूत छेन सङ र मेयर धनराज आचार्यले स्वागत गरेका थिए । ल्हासा–पोखरा रुटमा सातामा एक नियमित उडान गर्ने कार्यतालिका छ । हिमालय एयरलायन्स पोखरामा नियमित अन्तर्राष्ट्रिय उडान भर्ने पहिलो वायु सेवा कम्पनी बनेको हो । चार्टर उडान भर्नेमा पनि हिमालयन एयरलायन्स पहिलो बनेको थियो । उक्त जहाज सोमबार पोखरा बसेर मंगलबार बिहान पुनः ल्हासाका लागि उड्नेछ ।