पोखरा । प्रधानमन्त्री एवं त्रिभुवन विश्वविद्यालयका कुलपति केपी शर्मा ओलीले उपकुलपति केशरजंग बरालको राजीनामा स्वीकृत गरेका छन् ।

बिहीबार बरालको राजीनामा स्वीकृत भएको प्रधानमन्त्रीको सचिवालयले जानकारी दिएको छ ।

बरालले १५ चैतमा सहयोगीमार्फत प्रधानमन्त्री कार्यालयमा राजीनामा बुझाएका थिए । स्वास्थ्यको समस्या देखाए पनि सरकारकै कारण काम गर्न असहज भएपछि बरालले राजीनामा दिएर पोखरास्थित घरमा आएर बसेका थिए ।

बराललाई कममा फर्किने वातावरण बनाउन शिक्षा, विज्ञान तथा प्रविधिमन्त्री विद्या भट्टराईले सहजीकरण समेत गरेकी थिइन् । बराललाई फकाउन कुलपति र रेक्टर पोखरै आएका थिए ।

राष्ट्र बैंकमा गभर्नर नियुक्ति गर्न अलमल गरेको सरकारले अब त्रिविवि कुलपति नियुक्तिका लागि कतिन्जेल पर्खिन्छ त्यो भने हेर्न बाँकी छ ।