पोखरा । प्रसिद्ध आरोही लाक्पा शेर्पाले मकालु हिमाल ८ हजार ४ सय ८५ मिटर आठौं पटक सफलतापूर्वक आरोहण गरेका छन्। डोरी बाँध्ने टोलीको नेतृत्व गर्दै उनले २०२५ को वसन्त यामका लागि विश्वको पाँचौं अग्लो शिखरको आरोहण मार्ग आधिकारिक रूपमा खोलेका हुन्।

सेभेन समिट ट्रेक्स का अनुसार बुधबार बिहान करिब १०:२० बजे आरोहण सम्पन्न भएको हो। टोलीसँगै किपा शेर्पाले पनि सफलतापूर्वक शिखर टेकेका हुन् ।

मार्ग खुलेपछि अब उचाइ अनुकूलन प्रक्रिया पूरा गरेका आरोहीहरू शिखरतर्फको प्रयासका लागि तयारीमा छन् भने अन्य आरोहीहरू आधार शिविरतर्फ लागेका छन्। यो सफल आरोहण यस सिजनको मकालु हिमालको पहिलो शिखर आरोहण हो ।