पोखरा ।
पोखराको चिप्लेढुंगामा ‘लेट्स गो निप्पोन’ एजुकेशन कन्सल्टेन्सी साेमबार देखि सञ्चालनमा आएको छ । जापानमा दुई दशक बसेर नेपाल आएकी लक्ष्मी तामाङ (कोइराला)ले कन्सल्टेन्सी सञ्चालनमा ल्याएकी हुन् ।

जापानमा उच्च शिक्षा हासिल गर्न जान चाहने, वर्किङमा र होटल म्यानेजमेन्टको इन्टनशिप गर्न चाहनेका लागि कन्सल्टेन्सीले सहजीकरण तथा प्रशिक्षण गराउनेछ ।

उले भनिन्, ‘हामी पनि विद्यार्थी भिषामा जापान गएकाे हाैं, जापानमा बसेको करिब दुई दशक भएछ, हामीले सिकेका, अनुभव साट्न र जापानका २० वटा भन्दा बढी कलेजसँगकाे सहकार्यमा कन्सल्टेन्सी सञ्चालनमा ल्याएका हाैं ।

कन्सल्टेन्सीका प्रबन्ध निर्देशक कोइरालाले जापानको जीवनशैली बुझेकोले जापान जाने युवालाई राम्रोसँग व्यवहारिक ज्ञान र सिप सिकाउन सक्ने दाबी गरिन् ।

जापानमा नेपालीलाई अन्य देशका भन्दा फरक ढंगले हेर्ने हुँदा जापानको बारेमा राम्रोसँग सोधपुछ गरेर गएमा दुःख नपाउने उनको भनाइ छ ।

जापानमा रहेको आमेया कम्पनी अफ जापान सँगको सहकार्यमा पोखरामा कन्सल्टेन्सी स्थापना गरेकाले विदेश पठाउन सहज हुने प्रबन्ध निर्देशक कोइरालाले जनाइन् । सञ्चालक एवं नेपाली संयोजक राजपाण्डे नेतृत्व टोली जापान हुनुले नेपालबाट जापान जाने युवाहरुलाई उचित ढंगबाट सुरक्षित तवरबाट व्यवस्थापन गर्न सहज हुने उनले बताए ।

कम्पनीको २ वर्ष अघि वुटवलमा शाखा स्थापना भएको थियो । जापान र पोखरामा समेत होस्टलको सुविधा रहेकाले विद्यार्थीलाई सहज हुने विश्वास गरिएको छ ।

जापान जानु अघि राम्रोसँग अनुभवी भएका कन्सल्टेन्सीमा परामर्श लिएर उच्च शिक्षा हासिल गरेर मात्र जान कन्सल्टेन्सीका सञ्चालक निरज कोइरालाले आग्रह गरे ।

जापानबाट समय समयमा अनुभवी शिक्षकहरु समेत पोखरामा ल्याउने तयारी गरेको उनले जानकारी दिए । जापानका २०/२५ बढी कलेजसँगको कन्सल्टेन्सीको सहकार्य रहेकाले विद्यार्थीले उपयुक्त कलेज छान्न पाउने उनको भनाइ छ । कन्सल्टेन्सिले न्यूनतम ३ महिने प्रशिक्षण देखि एक वर्षको इन्र्टन हुदै प्लस टु उर्त्तिण गरेकाको लागि ४ वर्षीय कोर्ष अध्ययन गराउन पहल गर्ने भएको छ ।