पोखरा ।
उच्च अदालत जनकपुरले बाल यौन दुरुपयोगको आरोपमा परेका रामबहादुर बम्जनलाई निर्दोष ठहर गर्दै सफाइ दिएको छ। जिल्ला अदालत सर्लाहीले दोषी ठहर गरेको फैसलालाई उल्टाउँदै उच्च अदालतका न्यायाधीशद्वय खेमराज भट्ट र नरिश्वर भण्डारीको संयुक्त इजलासले बम्जनलाई दोषमुक्त गर्ने निर्णय सुनाएको हो।

यसै फैसलामार्फत न्यायाधीश भट्ट र भण्डारीको इजलासले २०८० सालको चैत ६ गते बम्जनसँगै यौन दुर्व्यवहारको आरोप खेपिरहेका ज्ञानबहादुर बम्जन र डिगबहादुर बम्जनलाई पनि सफाइ दिएको हो। यद्यपि उनीहरूलाई जिल्ला अदालतले पहिले नै दोषी नरहेको ठहर गरिसकेको थियो।

यसअघि जिल्ला अदालत सर्लाहीले २०८१ साल असार १७ गते रामबहादुर बम्जनलाई १० वर्षको कैद सजाय र पाँच लाख रुपैयाँ जरिवाना तोकेको थियो।