पोखरा । गण्डकी विश्वविद्यालयमा कर्मचारीहरूको साझा संगठन ‘गण्डकी विश्वविद्यालय केन्द्रीय कर्मचारी मञ्च’ गठन गरिएको छ । विश्वविद्यालयमा कार्यरत कर्मचारीको शुक्रबारको भेलाले सहायक प्रशासन अधिकृत (छैठौं पद) ईश्वर सुवेदीलाई अध्यक्षमा चयन गरेको छ ।

उपाध्यक्षमा सहायक प्रशासन अधिकृत (छैटौं पद) देवका खनाल, सचिवमा प्राविधिक सहायक (पाँचौं पद) उज्वल अधिकारी, सदस्यहरूमा लेखा सहायक (पाँचौं पद) नारायण लामिछाने र प्रशासन सहायक (पाँचौं पद) लक्ष्मण सुवेदी चयन भएका छन् ।

यसअघि विश्वविद्यालयमा कुनै पनि कर्मचारी संगठन वा समूहको औपचारिक गठन भएको थिएन । विश्वविद्यालयको समग्र हित र कर्मचारीहरूको अधिकार तथा हकहितको प्रवद्र्धन गर्नुपर्ने आवश्यकतालाई महसुस गर्दै मञ्च गठन गरिएको नवगठित मञ्चका अध्यक्ष सुवेदीले जानकारी दिए ।

यसअघि गण्डकी विश्वविद्यालयमा कानुन संकायका संयोजक रविकुमार सिलवालको संयोजकत्वमा ‘केन्द्रीय प्राध्यापक समिति’ पनि गठन भएको छ ।