काठमाडौं ।

कक्षा १२ को वार्षिक परीक्षाको संशोधित समयतालिका (रुटिन) सार्वजनिक भएको छ । राष्ट्रिय परीक्षा बोर्डले बुधबार नयाँ तालिका सार्वजनिक गरेको हो । यसअघि वैशाख ११ देखि परीक्षा गर्ने भनिए पनि मंगलबार अचानक पूर्वनिर्धारित समयतालिकामा परीक्षा नगर्ने निर्णय गरिएको थियो ।

साधारण र परम्परागत धारतर्फका नियमित तथा आंशिक एवं प्राविधिक धारतर्फका नियमित तथा आंशिक परीक्षार्थीहरूको वार्षिक परीक्षाको समयतालिका सार्वजनिक भएको हो । बोर्डका अनुसार अब परीक्षा जेठ २ गतेसम्म सञ्चालन हुनेछ ।

यसअघि बोर्डले मंगलबार कक्षा १२ को परीक्षा सर्ने निर्णय गरेको थियो ।