पोखरा ।

नवराज विकसहित ६ जनाको सामूहिक हत्या प्रकरणमा उच्च अदालतले सुर्खेतले घटनामा संलग्न २३ जनालाई जन्मकैदको सजाय सदर गरेकाे छ । २०७७ जेठ १० गते रुकुम पश्चिमको चौरजहारी नगरपालिका–८, सोती गाउँमा उनीहरुकाे हत्या भएकाे थियाे ।

नवराज विकको प्रेमिकाका रुपमा चिनिएकी युवती र उनकी आमालाई भने अदालतले सफाइ दिएको छ । अदालतले उनीहरुलाई दुई वर्ष कैद र ५० हजार रुपैयाँ जरिवानाको सजाय सुनाएको थियो ।

जिल्ला अदालतले वडाध्यक्ष दम्बरबहादुर मल्लसहित २४ जनालाई जातीय विभेदकै कारण नवराज विक र उनका पाँच साथीको हत्या गरेको ठहर गर्दै जन्मकैद (२५ वर्ष)को सजाय सुनाएको थियो ।

जाजरकोटको भेरी नगरपालिका–४, सानागाउँका २१ वर्षीय नवराज विक र उनका पाँच साथीले प्रेमिकालाई लिन रुकुमपश्चिम पुगेका बेला गाउँले घरेलु हतियारसहित घेराबन्दी गर्दै ती युवाहरुलाई कुटपिट गरेका थिए ।

नवराज विक, सन्जु विक, गणेश विक, लोकेन्द्र सुनार, गोविन्द शाही र टीकाराम सुनारको मृत्यु भएको थियो । ती सबैको शव भेरी नदीमा फेला परेको थियो ।