पोखरा ।
नेपाली कांग्रेस कास्कीले पोखरा कस्तो बनाउने भन्ने विषयमा विभिन्न क्षेत्रसँग छलफल गरी सुझाव संकलन अभियान जारी राखेको छ । कास्की कांग्रेसले सोमबार पनि उद्योग तथा पर्यटन व्यवसायीसँग छलफल गरी सुझाव संकलन गरेको सहसचिव एवं प्रवत्ता नवीन सिग्देलले जानकारी दिए ।

तीन तहका सरकार नयाँ आर्थिक वर्षका लागि बजेट तथा कार्यक्रम तयारीमा जुटिरहेका बेला पोखराको आवश्यकतालाई बजेट तथा कार्यक्रममा समावेश गर्नका लागि आवश्यक लबिङ गर्न छलफल गरी सुझाव संकलन गरेको हो ।

कास्की कांग्रेसले पहिलो पटक वडा कार्यसमितिका सभापतिसँग, दोस्रो पटक आइतबार पार्टीका महासमिति सदस्य र महाधिवेशन प्रतिनिधिसँग र सोमबार पर्यटन तथा उद्योग व्यवसायीसँग छलफल गरेको हो ।

कार्यक्रम नेपाली काँग्रेस कास्कीका सभापति किशोरदत्त बरालको अध्यक्षतामा भएको हो ।