पोखरा । पोखरा महानगरपालिका वडा नं ४ ले आयोजना गरेको आँखा शिविरमा दुई सय ३० जनाको आँखा परीक्षण गरिएको छ ।

हिमालय आँखा अस्पताल र दृष्टि विशेषज्ञ संघ गण्डकी प्रदेशको प्राविधिक सहयोगमा शिविर सम्पन्न भएको हो ।
दृष्टि विशेषज्ञ संघ गण्डकीका अध्यक्ष डा. लक्ष्मण तिमिल्सिना, प्राविधिक अनिश अधिकारी, सुनिता तिमिलिा, स्वस्तिका आले मगर र स्वस्तिका गिरीले सहभागीको आँखा परीक्षण गरेका कार्यक्रम संयोजक एवं वडा सदस्य पार्वती माकाजूले जानकारी दिइन् ।

शिविर उद्घाटन गर्दै कार्यबाहक वडाध्यक्ष विष्णुमाया परियारले वडावासीको स्वास्थ्य सम्बन्धमा वडा कार्यालय सचेत रहेको बताइन् ।

कार्यक्रमको सञ्चालन वडा कार्यालयका कर्मचारी मोनिका पौडेल र मनमाया राना मगरले गरेका थिए ।
कार्यक्रम पोेखरा ४ को शहरी स्वास्थ्य केन्द्रमा भएको थियो ।