पोखरा । तनहुँको आँबुखैरेनीमा लागू पदार्थ सेवन परीक्षण कार्यक्रम सुरु गरिएको छ।
ईलाका प्रहरी कार्यालय आँबुखैरेनीको आयोजनामा कार्यक्रम सम्पन्न भएको हो।

कार्यक्रममा आँबुखैरेनी गाउँपालिका, वडा नं. ४ स्थित बेनिटारलाई परीक्षण केन्द्र बनाइएको छ।

गाउँपालिका र आँबुखैरेनी अस्पतालको सहयोगमा कार्यक्रम सञ्चालन गरिएको हो।
कार्यक्रमको प्रमुख अतिथि गाउँपालिका अध्यक्ष शुक्र चुमान रहेका थिए।
प्रहरी निरीक्षक टेकप्रसाद सुवेदीसहित स्थानीय जनप्रतिनिधि, पत्रकार र बुद्धिजीवीको उपस्थिति थियो।

पृथ्वी राजमार्गमा हुने दुर्घटना न्यूनीकरण तथा यात्रु सुरक्षाका लागि परीक्षण सुरु गरिएको हो।
सार्वजनिक तथा निजी सवारी चालकलाई लक्षित गरी परीक्षण सञ्चालन हुनेछ।

प्रहरीले स्थानीयवासी, सवारी चालक र यात्रुहरूलाई सहयोग गर्न आग्रह गरेको छ।