पाेखरा ।

भारतको नयाँ दिल्लीस्थित नर्मन जे डब्ल्यू मेरियट, एयरोसिटीमा सम्पन्न ‘इन्डिया बार शो’ मा नेपालका नवीन धामी फ्लेयर बार टेन्डर विधामा प्रथम भएका छन्। उनी डढेलधुराका हुन्।

इन्डिया बारटेन्डर्स एकेडेमी गिल्डद्वारा आयोजित उक्त कार्यक्रममा अमेरिका, रुस, मेक्सिको, आयरल्यान्ड, श्रीलंका, इटाली, दुबईलगायत देशका प्रतिस्पर्धी सहभागी थिए।

नेपालबाट इलुजन बार टेन्डर समूहबाट दुई जना सहभागी भएका थिए। प्रशिक्षक सन्तोष आचार्य शर्माका अनुसार नवीन धामीसहित अन्य एक जना सो समूहबाट प्रतिस्पर्धामा उत्रेका थिए।

यस्तै, वर्ल्ड फ्लेयर एसोसिएसनका प्रशिक्षक रामप्रसाद गौतमले पनि दुई जना प्रतिस्पर्धी लिएर शोमा सहभागी गराएका थिए।

नेपालकै विवेक दुलालले अन्तर्राष्ट्रिय मिक्सोलोजी श्रेणीमा उपविजेता स्थान प्राप्त गरेका छन्। उनी भक्तपुरका हुन्।