पोखरा ।

पोखरा २२ स्थित विश्व शान्ति स्तूपको नजिकै बुधबार दिउँसो नगरबस दुर्घटना हुँदा २८ जना घाइते भएका छन् । ग १ ख ३८ ८६ नम्बरको उक्त माइक्रोबस शान्ति स्तूपको पार्किङ स्थलभन्दा केही माथिको सडकमा पल्टिएको हो।

दुर्घटनामा २८ जना भरतीय जना यात्रु घाइते भएका छन् भने तीमध्ये २ जनाको अवस्था गम्भीर रहेको जिल्ला ट्राफिक प्रहरी कार्यालय कास्कीकी प्रमुख शाेभा पाण्डेले जानकारी दिइन् । उनका अनुसार घाइतेहरूलाई तत्काल उद्धार गरी उपचारका लागि गण्डकी मेडिकल कलेज ल्याइएकाे छ ।

दुर्घटनास्थलमा पोखराबाट एम्बुलेन्सहरू परिचालित भएका थिए । भारतीय पर्यटकले रिजर्भ गरेर लगेकाे बस अनियन्त्रित भएर पल्टिएकाे उनले जानकारी दिइन् ।