पोखरा ।

बेपत्ता छानबिन आयोग सदस्यमा पोखराकी विनिता नेपाली नियुक्त भएकी छन् । बुधबार बेलुकी बसेको मन्त्रिपरिषद बैठकले उनलाई नियुक्त गरेकाे हाे ।

सत्य निरुपण तथा मेलमिलाप आयोगमा महेश थापालाई अध्यक्ष नियुक्त भएका छन् भने बेपत्ता छानबिन आयोगकाे अध्यक्षमा लीलादेवी गड्तौला नियुक्त भएकी छन् ।

नेपाली अधिवक्ता हुन् । मन्त्रिपरिषद बैठकले दुई आयोगमा अध्यक्षहरू बाहेक थप चार–चार जना सदस्य पनि नियुक्त गरेको छ।

सत्य निरुपण आयोगका सदस्यहरूमा जाजरकोटका अच्युतप्रसाद भण्डारी, पाँचथरका डा. टीकाप्रसाद ढकाल, जुम्लाका पदमबहादुर शाही र कञ्चनपुरकी कुमारी कौशल्य ओझा छन्।

बेपत्ता छानबिन आयोगका सदस्यमा सल्यानका गोपालनाथ योगी, झापाका अग्निप्रसाद थपलिया र काठमाडौंकी सिर्जना पोखरेल छन्।

आयोगका पदाधिकारीहरूको तलब तथा भत्ता राष्ट्रिय मानव अधिकार आयोग सरह हुनेछ ।