मदन भण्डारी फाउन्डेसन कास्कीले जननेता मदन भण्डारी र जीवराज आश्रितको ३२औं स्मृति दिवस मनाउने भएको छ।
सो अवसरमा फाउन्डेसनले प्रकाशन गरेको मार्गदर्शन भाग दुईको विमोचनसहित भाग एकको परिचर्चा कार्यक्रम आयोजना गरिएको अध्यक्ष माधव बास्तोलाले जानकारी दिए।
जेठ २ गते पोखराको साइमन पार्टी प्यालेसमा बिहान ११ बजे कार्यक्रम आयोजना गरिएको उनले उल्लेख गरे।
परिचर्चा कार्यक्रममा नेकपा (एमाले) का उपाध्यक्ष युवराज ज्ञवालीको प्रमुख उपस्थिति र सो पार्टीका उप-महासचिव एवं नेपाल सरकारका सूचना, सञ्चार तथा प्रविधि मन्त्री पृथ्वी सुब्बा गुरुङको विशेष उपस्थितिमा कार्यक्रम आयोजना हुने बास्तोलाले उल्लेख गरे।