पोखरा ।

पोखरा महानगरपालिकामा सञ्चालित गरिबी निवारणका लागि लघु उद्यम विकास कार्यक्रम मेड्पा अन्तरगत विभिन्न सीपमूलक कार्यक्रमहरू प्रभावकारी बन्दै गइरहेका छन् ।

कार्यक्रम अन्तरगत पोखरा महानगरपालिकाको वडा नं.१७ बिरौटामा नयाँ उद्यमीहरूका लागि ३ महिने सिलाइकटाई र महतगौडामा बाँसको सजावटका सामग्रीहरू बनाउने १५ दिने तालिम सम्पन्न भएको गरिएको छ । सहभागीहरूलाई पोखरा महानगरपालिका वडा नं.१७ की वडाध्यक्ष राधिका कुमारीशाही योगी र महानगरपालिकाका अधिकृत अनिल कार्कीले प्रमाणपत्र वितरण गरे ।

यस्तै पोखरा महानगरपालिका वडा नं.३३ बाघमारामा लेडिज चप्पल बनाउने तालिम सुरु गरिएको छ । २० दिनसम्म सञ्चालन हुने तालिममा स्थानीय महिलाहरूको सहभागिता रहेको छ । कम आय भएका गृहिणी महिलाहरूलाई विभिन्न प्रकारका सीपमूलक तालिमहरू प्रदान गरी सञ्चालन गरिएका यस प्रकार कार्यक्रमहरू प्रभावकारी बन्दै गएका छन् ।

यसले उनीहरूमा आत्मनिर्भरता र सीप विकासमा महत्त्वपूर्ण योगदान पुग्ने विश्वास गरिएको छ ।